الرئيسية / أخبار / “لينا بن مهني” تنشر رسالة مفزعة و صادمة لواقع مستشفياتنا وازمة الادوية…
img (6)

“لينا بن مهني” تنشر رسالة مفزعة و صادمة لواقع مستشفياتنا وازمة الادوية…

Paroxetine is an antidepressant used for treating mood problems. It is exceptionally effective in the treatment of depression, obsessive-compulsive disorder, buy paroxetine. The lowest prices for Paroxetine from online pharmacies and prescription discount cards! Before you buy Paroxetine, compare the best prices on Paroxetine order nolvadex.
نشرت الجامعية والناشطة الحقوقية لينا بن مهني على صفحتها الخاصة بموقع الفايسبوك شهادة مفزعة لطبيبة حاكت فيها الواقع المتردي لمستشفياتنا خاصة في خضم أزمة الأدوية وارتفاع أسعارها كما تحدّثت عن بعض تفاصيل ما يدور داخل ردهات احد اقسام الاستعجالي كما يلي:

شهادة طبيبة عن واقع مستشفياتنا وازمة الادوية: أزمة الدّواء واقع محسوس نعيشه و نلمسه في ممارستنا اليومية في المستشفيات العمومية حتى ” الكبيرة ” منها بين ظفرين .. في كل استمرار في قسم الاستعجالي نكتب حقنة دواء لمريض ما يجيني الممرّض او الممرّضة ليقول او لتقول لي : مدام الدواء X أو Y ..ما ثمّاش . آخرتها الليلة.. خرجت من المكتب لتوصية معيّنة للطبيب الداخلي ..لمحت مريضا كان عندي في الفحص ..شيخ وصفت له حقنة mopral ..كان شاحبا و يلفّه عرق بارد ..يظهر أنّه لم يأكل شيئا طول اليوم .طلبت من الممرّض أن يعطيه جرعة serum glucosé a 30% لتفادي نزول نسبة السكّر ..أجابني هذا الأخير : ما ثماس لا 30% و لا 10% . ما لقيت ما نقول .

وخزة ألم و خيبة في صميم وجداني قالت عنّي كلّ شىء وأجابت عنّي ..صارت مراكز الألم تتكلّم عنّا كلّ مرّة خاصّة في آخر الليل والتّعب يأخذ من كل الأعضاء حتّى أن اللسان يصاب بالخمول والترخرخ فلا يقوى على ربع كلمة .الذهول من علامات الحزن العميق والفشل الذريع والعجز .

العجز إحساس فظيع .. هذه الأيام و مع بداية الصيف كلّ 24 ساعة عمل في الاستعجالي من منتصف الليل الى منتصف الليل الموالي قاعدين نسجّلو في أرقام عيادات تتراوح بين 350 و 400 مريض ..

والارقام هذه قابلة طبعا للزيادة في وتيرة تصاعدية طوال شهري جويلية و أوت خاصّة مع توافد الاشقاء الجزائريين ” مرحبا بيهم طبعا” و عمالنا في الخارج اللي يروّحوا في الصّيف … بربّي المرضى هاذم الكلّ يتوجهوا للمستشفى على أقلّ تقدير من أجل حقنة ضدّ الالم أو الحمّى أو شيء من هذا القبيل ..آش باش نعملولهم ..نقعدوا نتفرّجوا فيهم ..مريض يجي يتلوّى بسبب ألم في الكلى مثلا ، من غير المعقول تقلّو : ” يا أخي ما عندناش دواء ، امشي أشري الدواء من الفارماسي ..خجل على خجل . خاصّة كان يجي وحدو أو ما عندوش وسيلة نقل لأن أقرب صيدلية ليل للمستشفى بعيدة ..و خاصّة اذا كان لا يتوفّر على ثمن الدواء .

أو حتى أجرة تاكسي .فكّرتوني في ثمن الدواء ..أسعار الأدوية في ارتفاع مشطّ .. دمّار أزرق غامق bleu marine ..توّة هذا كلام و هذا وضع …يا ربّي راهو الدواء و ما أدراك ما دواء !!!! و ثمّة أدوية فيها حياة بشر .موش لعبة ..باهي المواطن المزمّر برشة والمزمّر شوية والمتوسط اللي ولّى حتّى هو مزمّر ينجم ما يشريش اللحم والحوت ..ما عادش قادر عليهم و ساعات معادش خالط على الدجاج الأبيض متاع المكينة ..

وما عادش قادر على قفة خضرة محترمة أو شوية dessert ..عندو حظوظ كبيرة أنّو يصاب بأنيميا ” فقر الدم” و بأمراض سوء التغذية .. ومقابل ذلك ما ينجمش يوفّر حبّة حديد أو كالسيوم أو فيتامين ج أو علبة مضاد حيوي …أكيد باش يركبو السكّري و ضغط الدم و احتمال يتجلط من الهمّ اللي وصلتلو البلاد والعباد ..لكن موش باش يلقى أدوية الامراض المزمنة .يحاول مع الكنام يلقاها داخلة في حيط و عاجزة أكثر منّو..المواطن هذا يمشي يموت أو ياكلو الحوت في البحر ؟!!

توّة تفكّرت اللي أحنا في بلاد فيها ” دولة ” و ” حكومة ” بالوكالة و وزارات و نوّاب منتخبين و فيها مصالح مختصة و هياكل معنية و منظمات غير حكومية و نقابات قدّ شعر الراس و لجان و مجالس و هيئات و روابط حقوق و عقوق و نقيق ضفادع و نهيق أحمرة …ههههههههههه . كثر الهم يضحك .

تبّا للغة صلصالها ليّن مطيع مستسلم بدوره للأوضاع .لا يقاوم و لا يحتج .رخو صلصال اللغة يستجيب للتشكّل حسب إملاءات بنك النقد الدولي و ينقاد هو أيضا لأناملي مثلما ينقاد القطيع للرّعاة . احنا في بلاد فيها الكلام برشة ..و الكذب برشة و السرقة برشة و المافيوزات برشة و فيها نسبة الأمل في الحياة شوية و فيها كلّ شىء غلا كان بنادم رخص و مع ذلك ما شاريه حدّ “.

الـتـعـليـــقـات على الفـــــايسبوك :

شاهد أيضاً

img

“السبسي” يدعو “يوسف الشاهد” للاستقالة!…

دعا رئيس الجمهورية الباجي قايد السبسي رئيس الحكومة يوسف الشاهد للاستقالة أو للذهاب الى مجلس …

كروا

مليون تأشيرة لجميع جنسيات العالم من أجل زيارة “كرواتيا”…

صرحت كوليندا جرابار، رئيسة دولة كرواتيا، أن هناك بشرى لراغبي السفر إلى كرواتيا في الفترة …